Skip to content

Netöryggi barna – Stafrænn foreldrafundur

Á morgun, 23. nóvember kl. 12-13 verður stafrænn foreldrafundur  um netöryggi barna.

Þessi stafræni fundur er hluti af aðgerðum ríkislögreglustjóra gegn stafrænu ofbeldi gegn börnum í samræmi við samkomulag þess efnis við stjórnvöld í samvinnu við Barnaheill, 112, SAFT, Heimili og skóla, Inhope Ins@fe og Fjölmiðlanefnd.

Fundurinn er opinn öllum og foreldar sérstaklega hvött til þess að fjölmenna.

Skráning er hafin hér: https://bit.ly/foreldrafundur

Fundurinn er eingöngu á netinu og verða kynnt praktísk ráð fyrir foreldra um stafræna miðla, notkun þeirra og úrræði vegna stafrænna brota. Fundurinn hefst á kynningum og svo fylgja á eftir lifandi pallborðsumræður þar sem foreldrum á netinu verður jafnframt gert kleift að spyrja spurninga.

Tölfræði lögreglunnar, rannsóknastofnunarinnar Rannsóknar og greiningar, Fjölmiðlanefndar og Unicef á Íslandi benda til þess að stafræn kynferðisbrot sé meðal helstu ástæðna aukningar í kynferðisbrotum gegn börnum og ungu fólki.

Þessi brot eru einnig í auknum mæli framin af börnum undir 18 ára aldri og því er vitingarvakningin í senn hugsuð sem fræðsla fyrir mögulega þolendur og sem forvörn fyrir mögulega gerendur.

Við hvetjum foreldra barna og öll sem kunna að hafa áhuga á þessum málum að fylgjast með þessum stafræna foreldrafundi og kynna sér þá fræðslu sem er í boði til að vinna gegn stafrænu ofbeldi gegn börnum.

Fundurinn er í upptöku og verður aðgengilegur á netinu til áhorfs að honum loknum.