Lög um foreldrafélagið

Lög Foreldrafélags Langholtsskóla
Með breytingum á aðalfundi félagsins vorið 2016.
1.      Félagið heitir Foreldrafélag Langhotlsskóla.
2.      Félagar eru allir foreldrar og forráðamenn barna í Langholtsskóla
3.      Markmið félagsins er að vinna að velferð og vellíðan nemenda í skólanum, efla samstarf foreldra og starfsfólks skólans og koma á framfæri sjónarmiðum foreldra varðandi skóla, menntun og uppeldismál nemenda.
4.      Markmiðum sínum hyggst félagið ná með því að:
a) Standa fyrir fræðslu og upplýsingamiðlun til foreldra með fræðslufundum og þess háttar.
b) Veita aðstoð í starfi skólans vegna félagsstarfa og skemmtana nemenda.
c) Vinna í að efla hverja þá starfsemi sem stuðlar að auknum þroska og menntun nemenda skólans.
d) Halda fræðslu fund fyrir bekkjarfulltúa um hlutverk þeirra og mikilvægi.
e) Taka þátt í samstarfi við önnur foreldrafélög og samtök foreldra.
f) Að koma fram með óskir um breytingar á starfi skólans og aðstöðu í samráði við skólaráð.
5.      Stjórn félagsins skal vera skipuð af minnst fimm fulltrúum foreldra og tvo til vara, sem kosnir eru á aðalfundi. Stjórnin skiptir með sér verkum. Stjórnin getur sjálf komið á fót ráðum eða nefndum til ýmissa starfa, en stýrir og ber ábyrgð á störfum þeirra. Stjórn félagsins skal halda fundi eftir þörfum.
6.      Aðalfund skal halda fyrir lok maí og telst fundurinn löglegur ef til hans er boðað með viku fyrirvara. Foreldrar innritaðra barna eru löglegir fulltrúar á fundinum.
Dagskrá fundarins skal vera:
a) Skýrsla stjórnar
b) Skýrsla gjaldkera
c) Skýrsla foreldra í skólaráði. 
d) Lagabreytingar
e) Kosning nýrrar stjórnar
f) Kosning foreldra í skólaráð 
g) Önnur mál
7.      Stjórnin skal ekki sinna klögumálum eða hafa afskipti af vandamálum er upp kunna að koma milli einstakra foreldra eða forráðamanna barna og starfsmanna skólans.
8.      Foreldrafélagið skal stuðla að góðum tengslum milli stjórnar foreldrafélagsins og skólaráðs Langholtsskóla.
9.      Lögum þessum má aðeins breyta á aðalfundi Foreldrafélags Langholtsskóla.
Stjórn foreldrafélags Langholtskóla 28. águst 2007