10155106675952653 69417028 n
10154772114387653 1555523778 o
10154733157757653 2004397869 o
10155106675927653 863018928 n

Mentor

Matseðill

Skóladagatal

Lestur í leikskólum

Lestur

Í tengslum við stóru upplestrarkeppnina þá fóru flestir nemendur í 7. bekk í heimsókn í leikskólana í hverfinu og lásu fyrir börnin. Væntanlega er ekki hægt að fá betri áhorfendur og voru allir í skýjunum með þessar heimsóknir. Nemendur voru búnir að finna til bækur fyrir viðkomandi aldur. Síðan var aðeins leikið í lok heimsóknar. Þetta er eitthvað sem við þurfum klárlega að halda áfram með á komandi árum.

Dagur barnabókarinnar

Lestur Bestur Visdoms

Á hverju ári á degi barnabókarinnar er ný íslensk smásaga frumflutt samtímis í öllum grunnskólum landsins.  IBBY samtökin á Íslandi skipuleggja þennan viðburð en það eru rúmlega 40.000 grunnskólanemar sem hlýða á söguna. Í ár var það Ævar Þór Benediktsson sem skrifaði söguna Pissupásan. Hann frumflutti hana sjálfur í útvarpinu á Rás 1 fimmtudaginn 5. apríl í síðustu viku.
Tilgangurinn er að fagna degi barnabókarinnar með notalegri sögustund og vekja um leið athygli á sameiningarmætti skáldskaparins Sagan er færð öllum grunnskólanemendum á Íslandi að gjöf. Langholtsskóli hlustaði að sjálfsögðu á hana og voru flestir ansi ánægðir með hana.

Hér er hægt að smella til að sækja söguna Pissupásan.

Skyndihjálp í 7. bekk

Skyndihjálp

Krakkarnir í 7. bekk fengu fræðslu í skyndihjálp fyrir páska. Finnbjörn Ragnar Aðalheiðarson kennari við Háskólann í Reykjavík (og faðir í árganginum) kom í heimsókn og var með fyrirlestur inn í stóra sal. Eftir fyrirlesturinn og góðar umræður var svo sýnikennsla í hjartahnoði inn í bekkjarstofum. Krakkarnir voru virkilega áhugasöm og auðvitað bara frábært að fá svona fræðslu.  

Fleiri greinar...